餵哺母乳既難題

上一篇介紹過母乳對寶寶的重要，現在先為媽媽分擔一下餵哺母乳既難題。好多媽媽都分享過佢地怕唔夠奶水俾寶寶，?唔忍心見到寶寶喊得咁慘慘所以會溝奶粉俾寶寶，最後寶寶飲慣左奶粉唔中意母乳。另外有其他在職媽媽坐完月之後工作地方唔方便佢預備母乳，所以被迫中斷人奶路。以下會介紹d實用小tips令媽媽們應付呢個咁艱巨既任務，等要餵哺全母乳既媽媽們都可以做好呢份「工」!!!????
1. 湯水刺激乳汁??
湯水不但可以調理媽媽產後既虛弱身體，而且部分湯水更有催乳作用。
*通草木瓜無花果大魚尾湯
材料：通草、木瓜、無花果、大魚尾、生薑、紅棗、海鹽
功效：通草、木瓜、無花果和大魚尾都是催乳好幫手，能潤腸通便、治乳汁不通，令產後媽媽乳汁豐足暢通
*北茋王不留行無花果豬展湯
材料：北茋、王不留行、無花果、豬展
功效：北茋和王不留行有補氣益氣、消腫利尿、利氣通乳，對部分產後體虛媽媽能加強行氣行血的功效，從而刺激乳汁分泌
*節瓜鱆魚眉豆豬手湯
材料：節瓜、淡菜、鱆魚、眉豆、豬手
功效：節瓜利水消腫，配合鱆魚和豬手能使產後媽媽乳汁豐富，腰腳有力，補充產後所失去的元氣
2. 按摩乳房
乳房按摩有助於防止乳房腫脹和可能發生的乳腺炎，同時還能暢通乳腺，令乳汁流出。以下有4個步驟母乳媽媽不況試試：
第一步：螺旋按摩
用食指和中指輕壓乳房，然後從外逐漸繞向乳頭方向
第二步：擠壓按摩
雙手輕放在乳房上下方，然後從底部向乳頭輕輕按壓
第三步：乳暈周邊輕壓
將拇指和食指放在乳暈周邊，輕輕擠奶
第四步：乳頭周邊輕壓
拇指和食指在乳暈周邊不斷變換位置，將所有的乳汁徹底排出
?注意：按摩完成後要立即進行親自餵哺或手擠奶啊!!!以免造成塞奶情況令媽媽們脹痛!!!
希望以上資訊可以幫助餵哺全母乳既媽媽們成功堅持你地既人奶路，加油啊