咪以為bb出左世之後你食既野就同bb無關，原來有d食物都會影響到進食母乳既bb，你又知幾多?
(一) 刺激性食物
洋蔥、辛辣食品、咖喱食品等，可能會引起bb出現肚仔痛或脹氣等情況
(二) 味道濃烈食物
媽媽進食大蒜、香蔥、乾蔥等味道濃烈的食物後，在餵哺母乳既過程中其體內的乳汁味道會有所改變，影響bb進食的意慾
(三) 含咖啡因飲品
媽媽享用咖啡、茶等含咖啡因飲品既同時，bb透過母乳亦可能受咖啡因影響。由於神經系統在兒童時期會不斷發育和成熟，因而較容易受咖啡因影響。如bb吸收過量咖啡因，有可能增加其焦慮水平。部分歐美國建議孕婦或授乳婦女每日不應攝取超過300毫克咖啡因(資料只供參考)
(四) 含酒精食品或飲品
好多媽媽坐月期間都會食雞酒補身，不過要留意酒既份量。若媽媽體內酒精仍未消散就餵奶，bb可能會吸取部分酒精，故建議媽媽可安排進食雞酒前泵定奶或在進食後兩至三小時再餵哺母乳，同時亦可留意bb既反應，如面紅紅、面出粒粒、大便有無困難等情況。順帶一提，一般順產媽媽惡露排清約12朝後可進食雞酒補身，而開刀媽媽則最少1個月後才可以，食用前最好都係先了解自己身體狀況再決定啊﹗
