媽媽完成重要任務—將可愛寶寶帶到呢個世界，大家注意力都會去左寶寶身上
各位請留意，特別係產後媽媽身邊最重要既BB爸爸，分娩後媽媽無論在生理和心理都會有唔同程度既變化，所以家人們須多加留意，確保產後媽媽的身心健康。以下既產後護理注意事項，希望能幫助新手爸爸及家人們消除疑慮。
1. 傷口護理
*順產媽媽可以自己清潔會陰傷口，每次如廁後用清水沖洗，印乾後再換上新的M巾
*開刀媽媽手術後醫生會用紗布密封傷口，傷口盡量唔好濕水，醫護人員會因應傷口癒合進度而教導媽媽點去處理傷口
2. 子宮復原
*媽媽們於產後初期不宜食用過量薑、酒，以免刺激傷口和影響子宮收縮
*產後子宮會慢慢回復至未有BB既大小，並逐漸移入骨盆內。過程中可能會出現好似M痛既感覺，但如果有持續疼痛既情況，應盡快求醫
3. 惡露
*「惡露」是指產後所排出的分泌物，即媽媽生產完畢胎盤脫落後，排出來的新陳代謝物，混合了胎盤碎片、胎膜、蛻膜的分泌物
*初期惡露量較多，呈鮮紅色，因為那時的主要成份是血，約持續一週；隨後會漸轉為淡紅色，約持續兩週；最後轉為淡黃/白色至漸漸減退，正常情況大約產後三至六週便會排淨
*開刀媽媽在生產時，醫生已用手清除胎盤及胎膜，所以惡露量比順產媽媽少，大約二至三週便會乾淨
*當產婦起身或者轉換坐立姿勢時，陰道可能會湧出較多惡露，呢個情況大多是正常現象，不必過於擔心
*若惡露明顯增加，或者有好多血塊流出，且帶有惡臭，建議應立即求醫
*惡露未清食物避免過鹹，以免鹽分多令惡露難排出
仲有幾個產後護理tips，下期再為媽媽們介紹!!!
